ads

Sheria ya Huduma za Vyombo Habari iliyopitishwa mwishoni mwa mwaka jana imefikishwa mahakamani na wadau, wakipinga baadhi ya vifungu vyake.


Wadau hao ni Baraza la Habari Tanzania (MCT) kwa kushirikiana na  Kituo cha Msaada wa Sheria na Haki za Binadamu (LHRC) na Mtandao wa Watetezi wa Haki za Binadamu Tanzania (THRDC), ambao wamefungua kesi kupinga.

Katika kesi hiyo namba 2 ya mwaka 2017 iliyofunguliwa katika Mahakama ya Haki ya Afrika Mashariki (EACJ), Masijala ndogo Dar es Salaam, iliyoko katika Mahakama ya Rufani Tanzania, hati ya madai waliyoiwasilisha mahakamani, wadau wanapinga vifungu 18 vya sheria hiyo.

Vifungu hivyo ni pamoja na 7 (3) (a), (b), (c), (f), (g), (h), (i), (j);  13, 14, 19, 20, 21, 35, 36, 37, 38, 39, 40, 50, 52, 53, 54, 58 na 59.

Kesi hiyo itaendeshwa na jopo la mawakili sita, akiwamo Mwanahabari mkongwe, Jenerali Ulimwengu, Fulgence Massawe, Jebra Kambole, Rais wa zamani wa Chama cha Wanasheria Tanganyika (TLS), Francis Stolla, Mpale Mpoki na Donald Deya.

Wakizungumza baada ya kufungua kesi hiyo, walalamikaji hao wamesema wamefikia uamuzi huo kwa kuwa baadhi ya vifungu vya sheria hiyo vinakandamiza uhuru wa habari na wa kujieleza.

Katibu Mtendaji wa MCT, Kajubi Mukajanga amesema vifungu hivyo vinakiuka matakwa ya Mkataba wa Jumuiya ya Afrika Mashariki (EAC), ambao unazitaka nchi wanachama kuzingatia na kulinda haki ambazo zimeelezwa katika mkataba huo kwenye Ibara ya  6(d) na ya 7(2), ambao Tanzania iliridhia Julai 7, 2000.

DOWNLOAD APP YETU YA SWAHIBA NEWS ILI UWEZE KUPATA HABARI ZOTE MOJA KWA MOJA KUPITIA SIMU YAKO YA MKONONI BILA KUINGIA KWENYE WEBSITE,KUDOWNLOAD BONYEZA HAPA  

ANDIKA MAONI YAKO HAPO CHINI
ads
Bonyeza HAPA kudownload applicationi ya SWAHILI NEWS kwenye simu yako ili kupata habari zetu Haraka
Share To:

SWAHIBA MEDIA STAFF

Habari , karibu katika mtandao wetu ili kuhabarika na stori zote za siku katika lugha yetu adhwim ya kiswahili, habarika wakati wote weka dunia kiganjani mwako na swahili news

Post A Comment: