Tangaza hapa Tangaza hapa
Tangaza hapa
Tangaza hapa Tangaza hapa

Header Ads

» » CRDB NA NMB ZASITISHA HUDUMA YA MIKOPO KWA WATUMISHI WA UMMA NA TAASISI BINAFSI..!!!

 
BENKI za CRDB na NMB zimesitisha mikopo kwa watumishi wa umma na baadhi ya taasisi binafsi, taarifa za uhakika zimeeleza.

Hali hiyo imejitokeza huku Watanzania wengi wakilalamikia hali ngumu ya kiuchumi, wakati wakikabiliwa na majukumu ya kijamii na kifamilia hasa kipindi hiki shule zinapofunguliwa.

Taarifa za uhakika kutoka ndani na nje ya benki hizo, zimeeleza kuwa kusitishwa kwa mikopo hiyo kulianza mwishoni mwa mwaka jana.

Kwa mujibu wa taarifa hizo watumishi wote wa umma waliotaka kukopa fedha kutoka CRDB na NMB mwishoni mwa mwaka jana, kwa ajili ya kufanikisha mambo mbalimbali ikiwamo ada za shule na kodi za nyumba waligonga mwamba.

Hata hivyo, wasemaji wa benki hizo mara kadhaa walipotafutwa, hawakuwa tayari kuzungumzia suala hilo huku wakiomba mwandishi arudi ofisini na kuandika maswali kisha kuyatuma kwao ili yapewe majibu.

Mmoja wa watumishi wa halmashauri kutoka mkoa wa Tanga, alisema amekuwa akiulizia uwezekano wa kupata mkopo NMB kwa zaidi ya miezi miwili sasa bila mafanikio.

“NMB walisitisha utoaji mikopo, nimekwenda kufuatilia kwa zaidi ya miezi miwili hakuna mafanikio, wanasema hawajaanza kutoa mikopo,” alisema mtumishi huyo.

Mwingine anayefanya kazi kwenye taasisi ya umma Dar es Salaam, alisema, kwamba hitaji lake la mkopo kutoka NMB limekwama baada ya kuambiwa imesitishwa.

Mfanyakazi wa moja ya taasisi za Serikali mkoani Arusha aliyejitaja kwa jina moja na Michael, alisema alifika kwenye moja ya matawi ya CRDB Novemba mwaka jana na kupewa fomu ya mkopo, lakini alipoirejesha ili ihakikiwe, akaambiwa mikopo imesitishwa.

Michael alisema alipouliza itarejeshwa lini, alijibiwa kuwa haijulikani na kwamba watendaji kwenye matawi ya benki hiyo wanasubiri taarifa kutoka makao makuu.

“Ikiwa tayari kuanza tena kutoa mikopo makao makuu watatuandikia barua, nasi tutawajulisha na kuanza kukopesha wateja wetu,” alisema Michael akinukuu majibu ya mtendaji wa tawi la CRDB.

Hata hivyo, taarifa zaidi zinaonesha kuwa CRDB imesitisha utoaji mikopo hata kwa taasisi na mashirika binafsi.

Uchunguzi umebai ni kwamba kusitishwa kwa utoaji mikopo kulitokana na sababu mbalimbali likiwamo suala la watumishi hewa.

Kwa mujibu wa uchunguzi huo, tatizo la watumishi hewa limeathiri pia utendaji wa benki hizo kutokana na baadhi ya wakopaji kutoweka na kuacha kulipa madeni yao baada ya uhakiki wa watumishi serikalini, jambo linalozitia hasara benki.

Hata hivyo, baadhi ya watendaji wa benki hizo walisema kusitishwa kwa utoaji mikopo, kulitokana na sababu mbalimbali hasa kupisha   uhakiki wa watumishi wa umma.

“Unajua Serikali inafanya uhakiki wa watumishi, sasa huwezi kuendelea kutoa mikopo kwa watu ambao bado wanahakikiwa,” alisema mtumishi huyo wa NMB aliyeomba jina lake lisiandikwe kwa kuwa si msemaji.
 
DOWNLOAD APP YETU YA SWAHIBA NEWS ILI UWEZE KUPATA HABARI ZOTE MOJA KWA MOJA KUPITIA SIMU YAKO YA MKONONI BILA KUINGIA KWENYE WEBSITE,KUDOWNLOAD BONYEZA HAPA  

ANDIKA MAONI YAKO HAPO CHINI

About Swahiba News

Tembelea mtandao huu kila siku upate habari za Kimataifa,Kitaifa,Michezo,Burudani,Video na Picha za Matukio Mbalimbali...KARIBU!.
«
Next
Newer Post
»
Previous
Older Post
loading...
http://go.ad2upapp.com/afu.php?id=887639